მექსიკის პრეზიდენტმა ენრიკე პენია ნიეტომ მომავალ კვირაში, დონალდ ტრამპთან დაგეგმილი შეხვედრა გააუქმა. პრეზიდენტის ეს გადაწყვეტილება ტრამპის მიერ მექსიკის საზღვარზე კედლის აშენებასთან დაკავშირებით ინტენსიურ საუბარს მოჰყვა.

"დღეს დილით, გავაფრთხილეთ თეთრი სახლი, რომ არ დავესწრებით შეხვედრას, რომელიც მომავალ სამშაბათს იყო ჩანიშნული." - დატვიტა პენია ნიეტომ.

პრეზიდენტი ტრამპი დაჟინებით ამბობს, რომ ამერიკელი ხალხი კედლის საფასურს არ გადაიხდის. მისივე თქმით, "სანამ მექისკა აშშ-ს სამართლიანად და პატივისცემით არ მოეპყრობა, მსგავსი შეხვედრა უშედეგო იქნება, მე სხვა მიმართულებით წასვლა მინდა, ჩვენ სხვა გზა არ გვაქვს."

პრეზიდენტმა ტრამპმა მექსიკასთან კედლის აშენების ბრძანებას, ოფიციალურად, ხელი გუშინ, 25 იანვარს მოაწერა და განაცხადა, რომ აშენების საფასურს მექსიკა გადაიხდიდა. მექსიკა კი არაფრის გადახდას არ აპირებს.

3 ათას კილომეტრიანი კედლის აშენება მექსიკის საზღვარზე, ტრამპის კამპანიის ერთ-ერთი ყველაზე მნიშვნელოვანი დაპირება იყო.