იუვენტუსმა, იტალიის მოქმედმა ჩემპიონმა, ფეხბურთის მოყვარულებს ახალი ლოგო წარუდგინა. კლუბის პრეზიდენტი, ანდრეა ანელი ამბობს, რომ უჩვეულო, მინიმალისტური დიზაინი ერთი წლის განმავლობაში მუშავდებოდა.

ლოგოზე სტილიზებული სიმბოლო J შავ ფონზეა გამოხატული, რაც, ანელის თქმით, თანამედროვე სიმბოლოების გამარტივების ტრენდის შესაბამისად გადაწყდა.

ახალი ლოგოს გაშვებას ვიდეორგოლიც მოჰყვა, რომელშიც ფიგურირებს სლოგანი: ცხოვრება სხვა არაფერია, თუ არა შავი და თეთრი.

კლუბის გერბში ვეღარ ნახავთ ხარს, რომელიც ტურინის სიმბოლოა. იუვენტუსის ლოგოზე 1960-1980 წლებში ზებრა იყო გამოსახული.

იუვენტუსის გულშემატკივრების ნაწილი ლოგოთი იმედგაცრუებული დარჩა. მათი თქმით, ახალი დიზაინი გაუგებარია და საერთოდ არ გადმოსცემს კლუბის ფილოსოფიას.