დელის სამართალდამცავებმა 4 პოლიციელი სამსახურიდან მას შემდეგ გაათავისუფლეს, რაც მათ, დაახლოებით, 159კგ მარიხუანა მოიპარეს.

გასულ კვირას დელის პოლიციის ოფიცრებმა განაცხადეს, რომ ჯაჰანგირპურის პოლიციის განყოფილების ოთხ თანამშრომელს ბრალად ედებოდა ნაპოვნი მარიხუანის რაოდენობის არასწორი განცხადება და მისი ნაწილის მოპარვა.

წყაროების ცნობით, პოლიციამ ჯაჰანგირპურში რეიდი 11 სექტემბერს ჩაატარა და 160კგ მარიხუანა ამოიღო, თუმცა ბრალდებულმა პოლიციელებმა ოფიციალურ დოკუმენტში მხოლოდ 1კგ-ზე განაცხადეს.

თავდაპირველად, მარიხუანის მფლობელი დააპატიმრეს, თუმცა მან პოლიციელებისთვის ქრთამის გადახდით დაძვრენა მაინც მოახერხა. როცა მისი დანაშაული გაცხადდა, ბრალდებულმა დოკუმენტში მითითებული საეჭვო რიცხვი შენიშნა და ბევრი არ უყოყმანია იმ პოლიციელების დასახელებაზე, რომლებიც რეიდში მონაწილეობდნენ.

როგორც აღმოჩნდა, პოლიციელებმა დანარჩენ რაოდენობაზე ინფორმაცია დამალეს და 159კგ მარიხუანა გაყიდეს.

აღმოჩენილ ფაქტებსა და გამოკითხვის ანგარიშზე დაყრდნობით, ჯაჰანგიპურის ორი ინსპექტორი და ორ უფროსი პოლიციელი კვლავ ეჭვმიტანილებად რჩებიან.