2 აპრილის მდგომარეობით მსოფლიოში:

დადასტურებული შემთხვევა — 1 002 159

გარდაცვლილი — 51 485;

გამოჯანმრთელებული — 208 949.

საქართველოში:

• დადასტურებული შემთხვევა — 134;
• გამოჯანმრთელებული — 26.

დღის ფაქტი

კორონავირუსით ინფიცირებულთა რიცხვი გლობალურად მილიონზე მეტია

2 აპრილს მსოფლიოში კორონავირუსით ინფიცირებულთა რაოდენობა მილიონს გასცდა. მათ შორის, 51 ათასზე მეტი ადამიანი გარდაიცვალა და 208 ათასი გამოჯანმრთელდა. აშშ-ში ყველაზე მეტი ინფიცირებულია. იქ, სულ მცირე, 234 462 შემთხვევა აღრიცხეს. მას მოსდევს იტალია ყველაზე მეტი დაღუპილით და ესპანეთი, სადაც 100 ათასს გადაცდა დადასტურებულ შემთხვევათა რიცხვი.

დღის ფოტო: თმის შეჭრა დახურული სალონის სახურავზე. ოქსფორდი, დიდი ბრიტანეთი.

დღის ფრაზა

მამა შალვა კეკელია: კორონავირუსი არის გვირგვინი, ვიღაცა მიიღებს გვირგვინს ღვთისაგან

რა ხდება მსოფლიოში

• 2 აპრილს იტალიაში კიდევ 760 ადამიანი დაიღუპა კორონავირუსით. ეს მაჩვენებელი 33-ით მეტია წინა დღესთან შედარებით. საერთო ჯამში იტალიაში 13 915 ადამიანი დაიღუპა ვირუსით;
• აშშ-ში ერთ კვირაში თითქმის 6,7 მილიონმა ადამიანმა მოითხოვა უმუშევრის კომპენსაციის მიღება;
• გერმანიაში 1,1 მილიონი თვითდასაქმებული და მცირე მეწარმე დარეგისტრირდა "ფინანსური დახმარების" მისაღებად;
• კატალონიამ ესპანეთის არმიას დახმარებისთვის მიმართა. მადრიდის შემდეგ კატალონიაში ყველაზე მეტი ინფიცირებულია ესპანეთის მასშტაბით;
• აშშ-ში ეროვნულმა დემოკრატიულმა კომიტეტმა კორონავირუსის გამო ყრილობა აგვისტოსთვის გადადო. The New York Time-ს წერს, რომ ეს ნაბიჯი პოლიტიკური კალენდრის ყველაზე დიდი შეფერხებაა და ეს არის ყველაზე დიდი პოლიტიკური მოვლენა, რაც კი საზოგადოებრივი ჯანდაცვის კრიზისის გამო მომხდარა;

• ისრაელის ჯანდაცვის მინისტრს, იაკოვ ლიცმანსა და მის ცოლს, ჩავა ლიცმანს კორონავირუსი დაუდასტურდათ. 71 წლის ჯანდაცვის მინისტრი ამ დროისთვის ყველაზე მაღალი თანამდებობის პირია ისრაელში, რომელსაც კორონავირუსი დაუდასტურდა. წყვილი ამჟამად იზოლაციაშია;

• ესპანეთში კორონავირუსით გარდაცვლილთა რიცხვმა 10 ათასს გადააჭარბა. ესპანეთში ვირუსით 10,096 ადამიანია გარდაცვლილი, აქედან ბოლო 24 საათში — 950.

დღის მთავარი ჰედლაინი მსოფლიოში

საბერძნეთის მართლმადიდებელმა ეკლესიამ აღდგომის აღნიშვნა ერთი თვით გადადო

კორონავირუსის პანდემიის გამო საბერძნეთის მართლმადიდებელმა ეკლესიამ აღდგომის აღნიშვნა ერთი თვით, 26 მაისამდე გადადო. როგორც ბერძნული ეკლესიის წარმომადგენელმა, ნავპაკტოსის მიტროპოლიტმა აღნიშნა, ქრისტიანების მთავარი დღესასწაულის, აღდგომის არაღნიშვნა უჩვეულო ამბავია, მაგრამ ეს ხდება არა იდეოლოგიური შეხედულების გამო, არამედ საზოგადეობის ჯანმრთელობის დაცვისათვის.

რა ხდება საქართველოში

• ტიკარაძე: თუ ყველა ღონისძიება არ გატარდა, ყოველდღიურად ასეულობით ადამიანი დაინფიცირდება
• მარნეულელი ქალი, რომელიც კრიტიკულად იყო, კონტაქტურია — პირველი საუნივერსიტეტო კლინიკის დირექტორი
• კობახიძე: ვცდილობთ არ შეექმნას პრობლემა არც ხალხის ჯანმრთელობას და არც რწმენის თავისუფლებას
• კვირას რომ წირვა გადავიხადო, ხმას არ გამცემს პატრული? — რუსუდან გოცირიძე
• ქართული ოცნების წევრები მომდევნო 3 თვე ხელფასის 1/3-ს StopCoV ფონდში გადავრიცხავთ — კობახიძე
• კორონავირუსი უცხოეთში მყოფ საქართველოს 35 მოქალაქეს აქვს დადასტურებული
• კორონავირუსის გამაფრთხილებელი აპლიკაცია სატესტო რეჟიმშია — ეკატერინე ტიკარაძე
• გადაადგილებაზე ბიზნესისთვის გამონაკლისი დაშვებულია, მაგრამ წესები უნდა დაიცვან — თურნავა
• ტიკარაძე: პიკურ პერიოდს, სავარაუდოდ, აპრილის მეორე ნახევარში უნდა ველოდოთ
• რეალობას თვალი უნდა გავუსწოროთ, ადამიანები დაკარგავენ სამსახურს — თურნავა
• ე.წ. კომენდანტის საათის დარღვევისთვის ერთ ღამეში 204 მოქალაქე დააჯარიმეს — შსს

დღის მთავარი ჰედლაინი ქართულ მედიაში

ონლაინ მაღაზიების ნაწილს მუშაობა აღარ ეზღუდება

საგანგებო მდგომარეობის პერიოდში მთავრობა ონლაინ ვაჭრობას რიგი კომპანიებისთვის აღარ შეზღუდავს. მთავრობამ დადგენილება ერთ დღეში შეცვალა. დოკუმენტში ვკითხულობთ, რომ დასაშვებია ნებისმიერი ეკონომიკური საქმიანობა, დისტანციურად, მხოლოდ სახლიდან გაუსვლელად. დადგენილება განმარტავს დისტანციური მუშაობასაც, რაც გულისხმობს სახლიდან მუშაობას, ხოლო კრიტიკულად აუცილებელ შემთხვევებში, სამუშაო ადგილიდან, ოფისიდან, სადაც მაქსიმუმ 5 ადამიანი იქნება.

მოგვიანებით მთავრობის ადმინისტრაციაში გამართულ ბრიფინგზე ეკონომიკის მინისტრმა ნათია თურნავამ განმარტა, რომ ყველა კომპანია, რომელიც უსაფრთხოების წესებს დაიცავს შეძლებს ონლაინგაყიდვებზე გადავიდეს. გარდა ამისა, მინისტრმა განმარტა, რომ ისინი კონკრეტულ წესებს შესთავაზებენ ყველას, ვისაც ონლაინგაყიდვებზე გადასვლა შეეძლება.

ამბავი, რომელმაც გაგვაღიმა

აშშ-ში სახლში გამოკეტილი ოჯახი Les Misérables-დან ცნობილი სიმღერის სასაცილო ვერსიას გვთავაზობს

ერთად თავმოყრილი რეკომენდაციები

• ჯანდაცვის მსოფლიო ორგანიზაციის აუცილებელი რეკომენდაციები კორონავირუსისგან დასაცავად

• ჯანდაცვის სამინისტროს რეკომენდაციები ჟურნალისტებისთვის

• რეკომენდაციები თვითიზოლაციაში მყოფი პირებისთვის

• როგორ უნდა გაიკეთოთ, გამოიყენოთ და გადააგდოთ ნიღაბი

• როგორ დავიბანოთ ხელები სწორად კორონავირუსისგან დასაცავად

• როგორ ვიზრუნოთ ფსიქიკურ ჯანმრთელობაზე კორონავირუსის დროს

ნახეთ წინა შეჯამებები:

• კომენდანტის საათი საქართველოში და აშშ-ში მოხსნილი რეკორდები — 31 მარტის შეჯამება
• "ფაქტობრივი" საყოველთაო კარანტინი და ფატალური შემთხვევები ევროპაში — 30 მარტის შეჯამება
• ვირუსი, როგორც "მწარე წამალი" და დედამიწიდან ფულის ერთეულის "გასაქრობი" საშუალება — 29 მარტის შეჯამება
• გაბრაზებული იმნაძე, ინფიცირების უცნობი წყარო და 18000 ახალი შემთხვევა აშშ-ში — 28 მარტის შეჯამება
• 27 მარტი: ბორის ჯონსონის კორონავირუსი და უკან დაბრუნებული ტესტები — 27 მარტის შეჯამება