დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05

დაავადებათა კონტროლის ცენტრის ხელმძღვანელის, ამირან გამყრელიძის თქმით, პანდემიისთვის ქვეყანა მზად იყო და შესაბამისი რეკომენდაციებიც მზად აქვთ. მისი თქმით, ჯანდაცვის სისტემის მზადყოფნის სამი სცენარი არის მზად და თვის ბოლომდე 20 ათასი ლაბორატორიული კვლევის ჩატარების საშუალებაც ექნებათ.

გამყრელიძის თქმით, პანდემიის დროს უკვე ქვეყნის გადასაწყვეტია რა ზომებს გაატარებს.

"პანდემიის განსაზღვრება გახლავთ ის, რომ როდესაც დიდი რაოდენობის შემთხვევები არის ყველა კონტინენტზე და თითქმის ყველა ქვეყანაში უკვე. ჯანმრთელობის მსოფლიო ორგანიზაციამ 10 დღის წინ გამოაცხადა პანდემიური მზადყოფნა და ჩვენ უფრო მეტად გავაძლიერეთ რეჟიმები, კარანტინები, თვითიზოლაცია, საავადმყოფოების მზადყოფნა. პანდემიის დროს უკვე შენი გადასწყვეტია ქვეყნის. ის გეუბნება, რომ უკვე პანდემიაა და შენ ყველა ქვეყნიდან საფრთხე გაქვს. მაგალითად, ჩვენ კარანტინში გადაგვყავს ჩინეთიდან, ირანიდან, სამხრეთ კორეიდან და იტალიიდან შემოსული ყველა ადამიანი", — განაცხადა tv პირველის ეთერში გამყრელიძემ.

ჯანდაცვის მსოფლიო ორგანიზაციამ COVID-19, იგივე კორონავირუსი, რომელმაც გავრცელება 3 თვის წინ დაიწყო, საერთაშორისო პანდემიად დღეს, 11 მარტს გამოაცხადა.

საქართველოში კორონავირუსით ინფიცირების 24 შემთხვევაა დადასტურებული: პირველი 26 თებერვალს დაფიქსირდა, მეორე დაავადებათა კონტროლის ცენტრმა 28 თებერვალს დაადასტურა, მესამე — 29 თებერვალს, მეოთხე — 5 მარტს დილით, დანარჩენი 5 კი ამავე დღეს საღამოს, 7 მარტს კორონავირუსით ინფიცირების კიდევ 4 შემთხვევა დადასტურდა, 9 მარტს კორონავირუსი 2 პაციენტს დაუდასტურდა, 10 მარტს კი კორონავირუსის კიდევ 8 შემთხვევა დადასტურდა, კიდევ 1 შემთხვევა კი — 11 მარტს.

ასევე, 4 მარტს კორონავირუსი დაუდგინდა იტალიაში მცხოვრებ საქართველოს მოქალაქეს.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: