ჩვენს ერთგულ მკითხველს უნდა ახსოვდეს სახელი და გვარი შარლოტ აუბერი — ეს ის ქალია, რომელიც ლონდონის მეტროში კომიკოსმა გააჩერა და მან ლედი გაგასა და ბრედლი კუპერის Shallow-დან მონაკვეთი უნაკლოდ იმღერა.

ინტერნეტის სენსაციად ქცეული შარლოტი ელენ დეჯენერესმა თავის შოუში მიიწვია, სადაც მან სწორედ ის სიმღერა შეასრულა, რომელმაც პოპულარულობა მოუტანა.

საბოლოოდ ამ მაგიურმა სიმღერამ შარლოტი ნამდვილ ვარსკვლავად აქცია. მას უკვე უწოდებენ რეალურ ელის, A Star Is Born-დან.

როგორც შარლოტმა ელენთან თქვა, ის უკვე 15 წელია, რაც ქორწილებში, რესტორნებში და ბარებში მღერის. მან ასევე გაიხსენა რჩევა, რომელიც მამამ მისცა:

"სადაც არ უნდა იყო, ყოველთვის იმღერე და არასდროს დანებდე".

შარლოტის თქმით, იმ დღეს, რომელმაც მისი ცხოვრება შეცვალა, მეგობართან მიდიოდა და ამიტომაც იყო მეტროში. მომღერალს ინსტაგრამზე აქამდე 4 ათასი გამომწერი ჰყავდა, ახლა კი მის სიახლეებს ნახევარი მილიონი მომხმარებელი ეცნობა. მის გამომწერებს შორისაა პოპვარსკვლავი და გრემის მფლობელი მომღერალი არიანა გრანდეც.

შარლოტს ჯერ საჯაროდ არ გამოხმაურებია ლედი გაგა, ის თავისი ახალი კლიპითაა დაკავებული, რომელიც ხვალ გამოდის.

ამავე თემაზე: