ნაციონალური მოძრაობის ერთ-ერთი ლიდერი, გრიგოლ ვაშაძე ამბობს, რომ დღევანდელი მდგომარეობით რევოლუცია ხელისუფლებას სჭირდება და არა ოპოზიციას. მისი თქმით, ქართულ ოცნებაში თვითგადარჩენის ინსტიქტმა უნდა გაიღვიძოს.

"ჩვენ არჩევნებს მოვიგებთ ყველა სისტემით. პატიოსან სიტყვას გაძლევთ, არავითარი შურისძიება, არავითარი რევოლუცია, არავითარი არეულობა. რევოლუცია სჭირდება იმ პოლიტიკურ ძალას, რომელიც აგებს. დღევანდელი თვალსაზრისით, ხელისუფლებამ უნდა მოგვიწყოს რევოლუცია. რად გვინდა ჩვენ რევოლუცია, ვიგებთ არჩევნებს", — განაცხადა გრიგოლ ვაშაძემ TV პირველის ეთერში.