მეორე ტურში თავისი ხმა სულ 929 265 ამომრჩეველმა დააფიქსირა, რაც 37,5 პროცენტს შეადგენს.

აქტივობა გაიზარდა მარნეულში, 10,81%-ით, სადაც, ქართული ოცნების კანდიდატმა, თამაზ ნავერიანმა გაიმარჯვა.

აქტივობა გაზრდილია მცხეთაშიც, 5,11%-ით. ამომრჩევლის აქტივობამ 62,53% შეადგინა და არჩევნებში გამარჯვება ოცნების კანდიდატმა, დიმიტრი ხუნდაძემ, 50,11%-ით მოიპოვა.

დანარჩენ 48 ოლქში აქტივობა შემცირებულია.

აქტივობის ყველაზე მაღალი კლება გორის 41-ე ოლქში დაფიქსირდა. მეორე ტურში ამომრჩევლის მხოლოდ 21%-მა მიიღო მონაწილეობა არჩევნებში. პირველი ტურის შემდეგ, აღნიშნულ ოლქში ამომრჩევლის აქტივობა 57,1%-ით შემცირდა.

2016 წლის საპარლამანეტო არჩევნებზე პირველ ტურში ხმა მისცა ამომრჩეველთა 51,6-მა პროცენტმა, მეორე ტურში ეს მაჩვენებელი 14,1%-ით შემცირდა.

იხილეთ 2016 წლის საპარლამენტო არჩევნების ვიზუალური შედეგები.