გუშინ, 1 თებერვალს, უხანიდან ევაკუირებული საქართველოს სამი მოქალაქე თურქეთის სამხედრო თვითმფრინავით ანკარაში ჩაფრინდა. ამის შესახებ საგარეო საქმეთა სამინისტროს წარმომადგენელმა ვლადიმერ კონსტანტინიდმა დღეს, 2თებერვალს, გამართულ ბრიფინგზე განაცხადა.

მისი თქმით, უხანიდან ევაკუირებული მოქალაქეები ანკარაში ე.წ. საკარანტინო რეჟიმში ორკვირიან სამედიცინო დაკვირვებას გაივლიან.

"საგარეო საქმეთა სამინისტრომ პირველივე დღეებიდან დაიწყო მუშაობა ევაკუაცაიის გეგმაზე. მიმვმართეთ პარტნიორ ქვეყნებს, რომლებიც თავიანთი მოქალაქეების უხანიდან ევაკუაციას აპირებდა. საბოლოო ჯამში, თურქეთსა და საფრანგეთში ჩვენი საელჩოების აქტიური ჩართვით, ეთხოვათ თურქულ და ფრანგულ მხარეებს ევაკუაციაში დახმარება", — ვლადიმერ კონსტანტინიდმა.

მისივე ცნობით, უხანში რჩება საქართველოს სამი მოქალაქე, რომელთაც ევაკუირებაზე უარი საკუთარი ნებით განაცხადეს.

ჯანდაცვის მსოფლიო ორგანიზაციამ კორონავირუსის გამო საერთაშორისო საგანგებო მდგომარეობა გამოაცხადა. ბრიფინგზე ორგანიზაციის წარმომადგენლებმა განაცხადეს, რომ ვირუსი კვლავ განაგრძობს გავრცელებას, საგანგებო რეჟიმის გამოცხადების მთავარ მიზეზად კი იმ ქვეყნების დაცვა დასახელდა, რომლებიც შეიძლება კორონავირუსთან გამკლავება თავად ვერ შეძლონ.

გაიგეთ მეტი: