ჩინეთში ახალი კორონავირუსით გარდაცვლილთა რიცხვი 106-მდე გაიზარდა. ქვეყნის ოფიციალური პირების განცხადებით, 27 იანვარს დაინფიცირებულთა რიცხვმა 4 515-ს მიაღწია მაშინ, როცა წინა დღეს მათი რაოდენობა 2 835 იყო.

ჩინეთში მოგზაურობა მკაცრად გამკაცრდა, ზოგიერთი ქალაქში კი პირბადის ტარება სავალდებულო გახდა. როგორც ხელისუფლება აცხადებს, გამოჯანმრთელების შემდეგ საავადმყოფოდან 60 ადამიანი გაეწერა.

კორონავირუსის ეპიცენტრი ჰუბეის პროვინციის ქალაქი უხანია. გარდაცვლილთა უმეტესობა სწორედ ამ ქალაქიდანაა. კორონავირუსი ასევე გამოვლენილია სამხრეთ კორეაში, იაპონიაში, ტაილანდში, მალაიზიაში, ნეპალში, ვიეტნამში, აშშ-ში, საფრანგეთში, გერმანიასა და ავსტრალიაში.

ჩინეთის ჯანდაცვის ეროვნული სააგენტოს მიხედვით, უხანის ვირუსი გადამდებია მაშინაც, როდესაც დაინფიცირებული ადამიანი საინკუბაციო პერიოდში იმყოფება, ანუ როდესაც სიმპტომები გამოვლენილი ჯერ არ არის.

ამავე თემაზე: