18 და 19 იანვარს ბათუმის ახალ სპორტის სასახლეში დავით პეტრიაშვილის სახელობის ზამთრის თასი ჩატარდება. ტურნირზე ვეტერანი ფეხბურთელები ითამაშებენ. ზამთრის თასზე საქართველოს ვეტერან ფეხბურთელთა ნაკრებთან ერთად ესპანეთის, უკრაინის, თურქეთის, უეფას და ფიფას გუნდები იქნებიან.

ფოტო: საქართველოს ფეხბურთის ფედერაცია

ლეგენდათა ტურნირი უკვე მეოთხე წელია იმართება, წინა წლებში გათამაშების გამარჯვებული ორჯერ საქართველოს, ერთხელ კი თურქეთის ვეტერან ფეხბურთელთა გუნდი გახდა. ზამთრის თასი 2020 ზე დასასწრები ბილეთების შეძენა გულშემატკივარს ონლაინ tkt.ge-ზე 14 იანვრიდან შეეძლება.

ლეგენდათა ტურნირის პარალელურად ბათუმის ახალ სპორტის სასახლეში 15 წლამდე ფეხბურთელთა ტურნირიც ჩატარდება.