უცხოური მედიის ინფორმაციით, ირანი ბირთვულ შეთანხმებას ტოვებს. ამ შეთანხმების თანახმად ირანი ეკონომიკური სანქციების შერბილების სანაცვლოდ უარს ამბობდა ბირთვული იარაღის შექმნაზე.

NBC News წერს, რომ ამის შესახებ ინფორმაცია სახელმწიფო ტელევიზიამ გაავრცელა. განცხადებაში ნათქვამია, რომ ირანი აღარ დაიცავს გამდიდრების შესაძლებლობის ლიმიტებს, გამდიდრების დონეს, გამდიდრებული მასალების მარაგს, კვლევასა და განვითარებას. BBC წერს, რომ ეს გადაწყვეტილება ირანის კაბინეტის შეხვედრაზე მიიღეს.

ბირთვული შეთანხმება 2015 წელს, ბარაკ ობამას პრეზიდენტობის დროს დაიდო. ირანის და ამერიკის გარდა, შეთანხმებას ხელი მოაწერა დიდმა ბრიტანეთმა, საფრანგეთმა, გერმანიამ, რუსეთმა და ჩინეთმა.

2018 წელს შეთანხმება დონალდ ტრამპის გადაწყვეტილებით ამერიკამ დატოვა. ტრამპი ამბობდა, რომ ამ შეთანხმებას არ აქვს რეალური ძალა იმისთვის, რომ ირანში ბირთვული იარაღის შეტანას შეუშალოს ხელი.

გაიგეთ მეტი: