რუსეთის პრეზიდენტმა, ვლადიმერ პუტინმა საკუთარ თავს და პრემიერ-მინისტრ, დიმიტრი მედვედევს ხელფასი გაუზარდა. ამავე დროს, ხელფასი სახელმწიფო მოხელეთა ნაწილს გაეზარდა. პუტინმა ბრძანებას თავის დაბადების დღეზე, 7 ოქტომბერს მოაწერა ხელი.

პრეზიდენტის ბრძანების მიხედვით, ინფლაციის დონესთან შესაბამისად პირველი ოქტომბრიდან ხელფასები გაიზარდება 4,3 პროცენტით. ხელფასის ზრდა შეეხებათ ვიცე-პრემიერებს, მინისტრებს, ცესკოს თავმჯდომარეს, გენერალურ პროკურორს, უსაფრთხოების სამსახურის ხელმძღვანელსა და ა.შ.

ბოლოს პუტინმა საკუთარ თავსა და მედვედევს ხელფასი 2018 წელს 4 პროცენტით გაუზარდა.