Mad Max: Fury Road-ის რეჟისორი ჯორჯ მილერი ამბობს, რომ ფილმს კიდევ სამი სიქველი ექნება. აქიდან ერთ-ერთი შარლიზ ტერონის გმირზე, ფურიოსაზე იქნება კონცენტრირებული.

ამ ყველაფერზე მან გამოცემა IndieWire-სთვის მიცემულ ინტერვიუში განაცხადა. მისი თქმით არსებობს ორი ამბავი, რომელშიც მედ მაქსი მონაწილეობს, ერთი კი ფურიოსაზეა. ამ პასუხმა ნათელი გახადა ის საკითხი, რაზეც აქამდე ძალიან ბევრი ჭორი ითქვა. ამ ეტაპზე ვორნერ ბრაზერსთან მოლაპარაკებები ლეგალურ საკითხებზე მიმდინარეობს, უკვე ნათელია, რომ ეს ამბები ნამდვილად მოხდება.

"მე ხშირად მინახავს, როდესაც თქვენ(IndieWire) ფილმის გამოსვლა დაგიანონსებიათ, თუმცა შემდეგ ეს პროექტები ჩაშლილა... Fury Road-ზეც ასე მოხდა სამჯერ, თუმცა საბოლოოდ ეს წყეული ფილმი მაინც გადავიღეთ. ახლაც შეხვედრიდან მოვდივარ, როგორც გითხარით. ამჯერად პრე-პროდაქშენი კარგად მიდის, ძალიან ოპტიმისტურად ვარ განწყობილი, ყველაფერი კარგად იქნება."