მსახიობმა ჯონ კრასინსკიმ 2018 წელს ფილმი A Quiet Place გადაიღო, რომლითაც მისი რეჟისორული დებიუტი შედგა. მსახიობმა და ახლა უკვე რეჟისორმა ცოტა ხნის წინ ტვიტერზე ფოტო გამოაქვეყნა, სადაც ქლეფბორდს ვხედავთ, რომელიც ახალი ფილმის A Quiet Place 2-ის გადაღებას იუწყება.

A Quiet Place-ში მთავარ როლებს კრასინსკი და მისი მეუღლე ემილი ბლანტი ასრულებენ, მათი ოჯახი ფერმაში ცხოვრობს და ისევე როგორც სხვები, ისინიც იძულებულნი არიან ჩუმად იყვნენ, რაც პირდაპირი მნიშვნელობით ჩუმად ყოფნას ნიშნავს. რადგან დედამიწაზე არსებები გამოჩნდნენ, რომლებიც ყოველგვარ ხმაურზე რეაგირებენ და ძალიან იოლია მათ მსხვერპლად იქცე. ისინი არსაიდან ჩნდებიან და არაბუნებრივი სისწრაფით უსწორდებიან ხმაურის წყაროს.

ეკრანზე ჯონ კრასინსკისგან განსხვავებით ემილი ბლანტს ისევ ვიხილავთ. თუმცა უცნობია თუ რა ბედი ეწევა მას, რადგან მისი ქმარი - კრასინსკის პერსონაჟი გარდაცვლილია. ბავშვები მილისენტ საიმონდსი და ნოე ჯუპე ფილმში ისევ ითამაშებენ.

ფილმის მეორე ნაწილის პრემიერა 2020 წლის 20 მარტს არის დაგეგმილი.