2017 წელს ეკრანზე ნილს არდენსის ფილმი კომაში გამოვა, სადაც მთავარ როლებს - ოსკარის ნომინანტი ელენ პეიჯი, ნინა დობრევი, კიფერ საზერლენდი და დიეგო ლუნა შეასრულებენ.

კინოსურათი 1990 წელს გადაღებული ფილმის რიმეიქია, სადაც მთავარ როლს ჯულია რობერტსი, კევინ ბეკონი და კიფერ საზერლენდი ასრულებენ. ეს უკანასკნელი ფილმის ახალ ვერსიაშიც გამოჩნდება, ელენ პეიჯი კი ჯულია რობერტსის პერსონაჟს, დოქტორი რეიჩელ მანუს განასახიერებს.

ფილმის სიუჟეტი სამედიცინო კოლეჯის სტუდენტების გარშემო ვითარდება, რომლებიც კლინიკური სიკვდილის ხელოვნურად გამოწვევის გზით გარდაცვალების ფენომენის გამოკვლევას ცდილობენ, რის შედეგადაც თითოეულ მათგანს კოშმარული ხილვები ეწყება და სიტუაცია თანდათან უმართავი ხდება.

1990-იან წლებში ფილმმა ნამდვილი ფურორი მოახდინა და ის შემოსავლით ერთ-ერთი ყველაზე წარმატებული კინოსურათი აღმოჩნდა.

ფოტო: getty

აღსანიშნავია, რომ სწორედ ამ ფილმის გადაღებების დროს გაიცნეს ერთმანეთი ჯულია რობერტსმა და კიფერ საზერლენდმა, ერთმანეთი შეუყვარდათ და ქორწილიც კი დაგეგმეს, თუმცა ამ მნიშვნელოვან თარიღამდე რამდენიმე დღით ადრე ჯულიამ ქორწილის გაუქმება მოითხოვა და საზერლენდი მიატოვა.