პრინცი ჯორჯისა და პრინცესა შარლოტას კანადური არდადეგები

პრინცი უილიამი და კემბრიჯის ჰერცოგინია ქეითი კანადაში, ქალაქ ვიქტორიაში, შვილებთან ჯორჯთან და შარლოტასთან ერთად ჩაფრინდნენ.

ეს წლინახევრის პრინცესა შარლოტას პირველი ოფიციალური ვიზიტია საზღვარგარეთ.

კანადის მიწაზე ფეხის დადგმის დღიდან შარლოტა და ჯორჯი ადგილობრივი მედიის ყურადღების ცენტრში აღმოჩნდნენ და უფრო მეტიც, მათ საკუთარი მშობლებიც კი დაჩრდილეს.

ერთ-ერთმა გამოცემამ ინტერნეტში შარლოტასა და ჯორჯის ფოტოები გამოაქვეყნა, რომელმაც კიდევ ერთხელ დაარწმუნა მსოფლიო რომ ბავშვები უინძორების საგვარეულოდან არაფრით გამოირჩევიან მათი თანატოლებისაგან.

აღსანიშნავია, რომ კანადური ვიზიტის დროს კემბრიჯის ჰერცოგინია ქეითმა ყურადღება მისი ტანისამოსის გამოც მიიპყრო. პრინცესას კაბას სამეფო ოჯახის კუთვნილი ნეკერჩხლის ფოთლის ფორმის გულსაბნევი ამშვენებდა, რომელიც მეფე ჯორჯ VI-მ თავის მეუღლეს, აწ გარდაცვლილ დედა-დედოფალს, 1939 წლის კანადის ვიზიტის აღსანიშნავად აჩუქა.

ვანკუვერში ჩასული ჰერცოგინია კანადის დროშის ფერებში გადაწყვეტილი McQueen-ის კაბით წარსდგა საზოგადოების წინაშე.

როგორც ცნობილია, სამეფო ოჯახის ყველაზე პატარა წევრების არდადეგები კანადაში 8 დღე გაგრძელდება.

ბოლო ამბები:

გირჩევთ

პრინცი ჯორჯისა და პრინცესა შარლოტას კანადური არდადეგები

კომენტარები

კვირის ტოპ-5

გირჩევთ

ახლა კითხულობენ