ბრუნეიში შეაჩერეს კანონი, რომელიც გეი სექსისა და ოჯახური ღალატის გამო სიკვდილით დასჯას ითვალისწინებდა. ინფორმაციას ამის შესახებ BBC ავრცელებს. სულთან ჰასანალ ბოლკიაჰმა განაცხადა, რომ კანონის მორატორიუმს გაახანგრძლივებს.

აღნიშნული კანონი ბრუნეიში რამდენიმე კვირის წინ ამოქმედდა, რასაც დიდი საერთაშორისო კრიტიკა მოჰყვა, მათ შორის ცნობილი ადამიანების მხრიდან. მსახიობმა ჯორჯ კლუნიმ და მომღერალმა ელტონ ჯონმა საზოგადოებას მოუწოდეს, ბრუნეისთან დაკავშირებულ სასტუმროებს ბოიკოტი გამოუცხადონ. კანონს კრიტიკულად გამოეხმაურა გაერო.

სიტყვით გამოსვლისას სულთანმა განაცხადა, რომ კანონთან დაკავშირებით ბევრი კითხვა და არასწორი წარმოდგენა არსებობს. მორატორიუმზე საუბრისას კი მან ახალი წესები დაიცვა და განაცხადა, რომ მისი "დამსახურება" თვალსაჩინო გახდება.