თბილისის მერის, კახა კალაძის განცხადებით, გავრცელებული ინფორმაცია, რომ 2018 წელს მერის მოადგილეებმა და ვიცე-მერმა ხელფასები 113-119 პროცენტით გაიზარდეს, სიმართლეს არ შეესაბამება. ამის შესახებ მან დედაქალაქის მთავრობის სხდომაზე ისაუბრა.

მისი განმარტებით, რეფორმის შედეგად თანამდებობრივი სარგო და დანამატი გაერთიანდა და დაერქვა თანამდებობრივი საერგო, ანუ ხელფასი. მისივე თქმით, პარალელურად თანამდებობის პირებისთვის პრემიები აიკრძალა. შესაბამისად, "ვერც ერთი მერის მოადგილე დღეს ვერ იღებს ვერც პრემიას და ვერც დანამატს".

"როდესაც ვისმენთ ასეთ განცხადებებს და არის მცდელობა, მოსახლეობა შეცდომაში შეიყვანონ, ვალდებული ვარ, გავაკეთო განმარტებები და შედარებები. არ მიყვარს წარსულზე ლაპარაკი, მაგრამ გვიწევს იმისთვის, რომ მოსახლეობამ მიიღოს კარგად ინფორმაცია, რა ხდებოდა ხელფასებთან დაკავშირებით. მივაწოდოთ მოსახლეობას ინფორმაცია, როგორია დღეს მერის და მოადგილეების ხელფასები და როგორი იყო 2013 წელს. ისე, კარგი გემოვნება და კარგი მადა ჰქონიათ", — თქვა კალაძემ და ციფრების დასახლებისგან თავი შეიკავა.