საქართველოს პრეზიდენტმა, სალომე ზურაბიშვილმა ამერიკულ ტელეარხ CBS-ს მიმართა, სერიალ საზღვაო პოლიცია: ახალი ორლეანის შემდეგი ეპიზოდის სცენარში ცვლილებები შეიტანოს. როგორც ზურაბიშვილი Twitter-ზე წერს, ახალ ეპიზოდში "სამხრეთ ოსეთი" რუსეთის პროვინციადაა მოხსენიებული.

"სცენარში ეს შეცდომა უპასუხისმგებლობაა და ჩვენ მოვუწოდებთ CBS-ს და შოუს სცენარისტებს, პატივისცემით მოეკიდონ საქართველოს ტერიტორიულ მთლიანობას და სცენარში საჭირო კორექტივები შეიტანონ", — წერს ზურაბიშვილი.