პეტრო პოროშენკომ განაცხადა, რომ ის დაურეკავს და მიულოცავს მის ოპონენტს, ვოლოდიმირ ზელენსკის ეროვნული ეგზიტპოლის შედეგებს. ამის შესახებ მოქმედმა პრეზიდენტმა საარჩევნო უბნების დახურვის შემდეგ გამართულ ბრიფინგზე განაცხადა.

"არასოდეს დანებდე, მესმის ახლა, როდესაც ვხედავ ეგზიტპოლის შედეგებს, მაგრამ ის ისეთი აშკარაა, მაქვს საფუძველი, დავურეკო ჩემს ოპონენტს და მივულოცო", — თქვა პოროშენკომ

პოროშენკომ აღნიშნა ისიც, რომ მომდევნო თვეში სახელმწიფოს მეთაურის პოსტს დატოვებს:

"ასე გადაწყვიტა უკრაინელების უმრავლესობამ და მე ვემორჩილები ამ გადაწყვეტილებას".

უკრაინის საპრეზიდენტო არჩევნების ეროვნული ეგზიტპოლის 18 საათის მონაცემებით, ვოლოდიმირ ზელენსკიმ ამომრჩეველთა ხმების 73,2 პროცენტი მიიღო, ხოლო უკრაინის ამჟამინდელმა პრეზიდენტმა პეტრო პოროშენკომ — 25,3 პროცენტი.