მიშელ ობამას მემუარი, Becoming, რომელიც 2018 წლის 13 ნოემბერს გამოვიდა, 10 მილიონი ასლი გაიყიდა და ამ დროისთვის, ყველაზე პოპულარული ავტობიოგრაფიული წიგნი გახდა.

"ჩვენ გვჯერა, რომ ეს მემუარები ყველაზე წარმატებული მემუარი გახდება", - ამბობს გერმანული გამომცემლობის Bertelsmann-ის მთავარი აღმასრულებელი ტომას რეიბი, რომელიც ამ ჟანრში წიგნს რეკორდს უწინასწარმეტყველებს.

ბესტსელერში შესულია ობამების პერსონალური ცხოვრების დეტალები და მიშელის ბავშვობისა და ახალგაზრდობის მოგონებები. აშშ-ის ყოფილი პირველი ლედი დედობასა და თეთრ სახლში ცხოვრებაზეც ყვება.

წიგნში მიშელი ამერიკის ამჟამინდელ პრეზიდენტს, დონალდ ტრამპსაც აკრიტიკებს და წერს, რომ არასდროს აპატიებს მას, რომ მისი ოჯახის უსაფრთხოება რისკის ქვეშ დააყენა. ტრამპი წინასაარჩევნოდ სპეკულირებდა, რომ ბარაკ ობამა აშშ-ს გარეთ დაიბადა და ამის გამო, ქვეყნის ლეგიტიმური პრეზიდენტი არ იყო.