ტეხასელმა ხელოვნების მასწავლებელმა საყოველთაო სიყვარული მოიპოვა მას შემდეგ, რაც საკუთარი მოსწავლეების ნახატებით, ულამაზესი კაბა შექმნა.

ფოტო: Charlene Lake

პირველად ეს ამბავი ამავე მასწავლებლის შვილის ტვიტერის გვერდზე გახდა ცნობილი, როდესაც გოგომ დედამისის ფოტო გამოაქვეყნა და მეგობრებს ეს გულისამაჩუყებელი ამბავი გაუზიარა.

"დედაჩემი ყველაზე საყვარელი ხელოვნების მასწავლებელია! მან შექმნა კაბა, რომელიც მისი თითოეული მოსწავლის ნახატით არის გაფორმებული და რომელიც კლასის გამოფენაზე ეცვა", — წერს ტვიტერზე ჩარლი ლეიკი.

სოციალურ მედიაში პოსტს ათასობით კომენტარი და 100 ათასზე მეტი მოწონება აქვს.

კრეატიული მასწავლებლის თქმით ეს საუკეთესო საშუალება იყო, რომ საკუთარი მოსწავლეებისთვის ხელოვნება შეეყვარებინა.

"მათთვის სახალისოა, როდესაც მათ მასწავლებელს მათივე ნახატებით გაფორმებული კაბა აცვია", — ამბობს რებეკა ბონერი.