სამეფო კარის თამაშების გამოსვლამდე ძალიან ცოტა დრო რჩება. ორი წლის განმავლობაში, უამრავი თეორია თუ წინასწარმეტყველება გავრცელდა, რომელიც ერთნაირად მტკივნეული და შოკისმომგვრელი იყო ყველა ფანისთვის.

მოლოდინს და შიშს კიდევ უფრო ამძაფრებდა სერიალის შემქმნელების კომენტარები, რომლებიც ბევრ სისხლს, უამრავ სიკვდილს, უპრეცენდენტო სეზონს, ყველაზე მასშტაბურ სცენებსა და ტელევიზიის ისტორიაში ყველაზე დიდ სანახაობას გვპირდებიან.

ინტრიგა გაამძაფრა GOT-ში მთავარი როლის შემსრულებლების კომენტარებმაც. EW-ისთან მიცემულ ინტერვიუებში ისინი თავიანთი გმირების მომავალზე მინიშნებებს აკეთებდნენ.

ამ ყველაფრის დამაგვირგვინებელი კი სერიალის ფინალური სეზონის პირველი ოფიციალური ტრეილერი გახდა.

EW-იმ ცეცხლზე ნავთი დაასხა და ახლახანს არც მეტი, არც ნაკლები, შვიდი სამეფოს დაუძინებელ მტერთან, ღამის მეფის როლის შემსრულებელ ვლადიმირ ფურდიკთან ჩაწერა ინტერვიუ. ფურდიკი თავისი პერსონაჟის გეგმებზე მინიშნებებს აკეთებს.

"ვიღაცამ ის ღამის მეფედ აქცია. არავინ იცის ვინ იყო ის იქამდე - უბრალო ჯარისკაცი თუ დიდგვაროვანი. მას არასდროს სურდა ღამის მეფე ყოფილიყო, ამიტომ ვთვლი, რომ მას ახლა ყველაზე მეტად შურისძიება სურს. ყველას ამ ისტორიაში ორი მხარე აქვს - კარგი და ცუდი, ღამის მეფეს კი მხოლოდ ერთი, ცუდი მხარე აქვს", - ამბობს მსახიობი.

გარდა ამისა, ფურდიკი ამბობს, რომ ღამის მეფე და მისი არმია ფინალურ სეზონში ბევრ პერსონაჟს მოკლავს, მათ შორის ისეთებსაც, რომელთა სიკვდილიც ბევრს ვერც კი წარმოუდგენია.

ამ დამაინტრიგებელი და ძალიან შიშისმომგვრელი კომენტარის შემდეგ, ერთდერთი რაც დაგვრჩენია არის ის, რომ 14 აპრილის მოლოდინში კალენდარზე დღეები გადავხაზოთ.