სამყარო სულმოუთმენლად ელის მარველის უსაზღვროდ პოპულარული ფილმის Avengers-ის ახალ ნაწილს.

თუმცა, არსებობენ ადამიანები, რომლებმაც შესაძლოა ფილმის პრემიერამდე ისეთი ვერაგი დაავადების გამო, როგორიც კიბოა ვერ მიაღწიონ.

გამოჩნდნენ კეთილი სამარიტელები, რომლებმაც გადაწყვიტეს, რომ მთელი კინოთეატრი მხოლოდ იმიტომ დაექირავებინათ, რომ ამ დაავადების მქონე პაციენტებისთვის სპეციალური საღამო მოეწყოთ და წინასწარ ეჩვენებინათ როგორ გრძელდება სუპერგმირების თავგადასავალი.

რა თქმა უნდა, ეს ყველაფერი ვერ მოხდებოდა, რომ არა დისნეისა და მარველის თანხმობა. კომპანიები ერთობლივი გადაწყვეტილების შემდეგ მივიდნენ დასკვნამდე, რომ ადამიანებისთვის, რომელთაც ასე ძალიან სურთ ნახონ ფილმი, თუმცა მათი სიცოცხლე დიდი საშიშროების წინაშე დგას, ერთი დაუვიწყარო საღამო ეჩუქებინათ.

ეს პირველი შემთხვევა არ არის, როდესაც მძიმედ დაავადებულ ფანს Avengers-ის ახალი ფილმი წინასწარ აჩვენეს. ჯერ კიდევ რამდენიმე კვირის წინ, ტვიტერში დაწყებულმა კამპანიამ ჰეშტეგით #Avengers4Alexander შედეგი გამოიღო და Avengers-ის მძიმედ დაავადებულმა ფანმა ფილმის ახალ ნაწილის ნახვის უფლება პრემიერამდე მიიღო.