ჰარი პოტერის ვარსკვლავმა, დენიელ რედკლიფმა პირველად ისაუბრა მისი და ალკოჰოლის ურთიერთობაზე.

ბრიტანელი მსახიობის თქმით, ჰარი პოტერის უსაზღვრო პოპულარობამ ის სასმელზე დამოკიდებული გახადა.

რედკლიფი ამბობს, რომ ალკოჰოლზე დამოკიდებულება მისმა პარანოიებმა გამოიწვია, რადგან გამუდმებით ეჩვენებოდა, რომ ვიღაც უთვალთვალებდა.

"თვალთვალზე ფიქრისგან გასაქცევად საუკეთესო საშუალებად ალკოჰოლი იქცა. როდესაც მთვრალი ხარ ყურადღებას აღარ აქცევ არაფერს და ფიქრობ, რომ თუ ვინმე გიყურებს ეს არა შენი ცნობადობის, არამედ იმის ბრალია, რომ მთვრალი ხარ. აკვიატებული ფიქრებისგან თავის დასაღწევად კი ძალიან ბევრს ვსვამდი" - ამბობს დენიელი.

საბოლოოდ, რედკლიფმა როგორც ალკოჰოლთან, ასევე აკვიატებულ აზრებთან გამკლავება მოახერხა.

"ერთ დღეს მივხვდი, რომ რასაც ვაკეთებდი იმას კარგი არაფერი მოჰქონდა და სრულ ქაოსში ვიყავი. საბედნიეროდ მოვახერხე ამ ყველაფერთან გამკლავება", - ამბობს დენიელი.