რამდენიმე დღის წინ ჰარი პოტერის ვარსკვლავმა, ემა უოტსონმა ინსტაგრამზე ახალი ფოტო ატვირთა.

ფოტო როგორც თავად წერს მისმა უახლოესმა მეგობარმა და კოლეგამ, ტომ ფელტონმა გადაუღო.

View this post on Instagram

Friends capture you best 🦋 📸 @t22felton

A post shared by Emma Watson (@emmawatson) on

ეს ერთი უწყინარი ფოტო მალევე აიტაცეს ტაბლოიდებმა და დაიწყეს საუბარი იმაზე, რომ ჰერმიონ გრეინჯერისა და დრაკო მალფოის როლის შემსრულებლებს ფარული რომანი აქვთ.

ფოტოს დიდი გამოხმაურება მოჰყვა უოტსონის ინსტაგრამზეც, ჰარი პოტერის ფანების ნაწილი წერდა, რომ მათი ოცნება ახდა და ორი მსახიობი ერთადაა.

ამ ეტაპზე არც ერთ მსახიობს ამ თემაზე კომენტარი არ გაუკეთებია, თუმცა თუ მათ ურთიერთობას გადავხედავთ, ერთადერთი რაც ცხადია არის ის, რომ უოტსონი და ფელტონი უახლოესი მეგობრები არიან.

მეგობრობას ადასტურებს ორივე მსახიობიც და ერთმანეთის მისამართით თბილ კომენტარებსაც ხშირად აკეთებენ.

მაგალითად ერთ-ერთ ინტერვიუში ტომმა თქვა, რომ ის და ემა ხშირად ხვდებიან ერთმანეთს, თუმცა ამის დასადასტურებლად ყოველთვის არ იღებენ ფოტოებს.

იგივეს იმეორებს ემაც. მსახიობის თქმით, ის და ტომი კვირაში ერთხელ მაინც ხვდებიან და სხვადასხვა თემაზე საუბრობენ.

ასე რომ, თუ ვინმეს ჯერ კიდევ აქვს ეჭვი, რომ მათ შორის მეგობრობაზე მეტი ხდება, უნდა შევახსენოთ, რომ მიუხედავად გავრცელებული მითებისა, გოგოსა და ბიჭს შორის ჭეშმარიტი მეგობრობა ნამდვილად არსებობს.