მიუხედავად იმისა, რომ რომელიმე სერიალი შეიძლება გამორჩეულად გვიყვარდეს, სამწუხაროდ შემქმნელების მიერ ამა თუ იმ სცენაში დამალულ სულ პატარა დეტალებს ხშირად უყურადღებოდ ვტოვებთ.

სწორედ ამიტომ, დღეს ისეთ ათ დეტალს გიჩვენებთ, რომელიც შეიძლება გამოგვეპარა, თუმცა ძალიან საინტერესო და ამაღელვებელიც კია.

1. How I Met Your Mother - გახსოვთ ლილის ყელსაბამი რომელიც მას პირველ სეზონში უკეთია? თუ კარგად დააკვირდებოდით, აღმოაჩენდით, რომ მეექვსე სეზონში ის უკვე ზოის საკუთრებაა, თანაც ხომ გახსოვთ ზოიმ ინტერნეტით ლილის ნივთები შეიძინა

2. Game of Thrones - დრაკონების დედა ამბობს, რომ ნაწნავების რაოდენობა გამარჯვებების ტოლფასია. მთელი სერიალის განმავლობაში კი ვხედავთ, თუ როგორ იმატებს ნაწნავები დეინერისის ვარცხნილობაზე

3. Breaking Bad - შარვალი, რომელიც უოლტერმა პირველი სეზონის პირველ სერიაში დაკარგა, მეხუთე სეზონში კვლავ ჩანს

4. The Simpsons - დიდი მახინჯი თავი, რომელიც ბერნსმა სიმფსონს მეორე სეზონში აჩუქა, შოუს 28-ე სეზონში კვლავ ჩანს

5. It's Always Sunny in Philadelphia - სერიალის მეორე სეზონში ჩარლი ხელზე მელნით იკეთებს ტატუს. იგივე ტატუ, თუმცა გაფერფმკრთალებული ჩანს სერიალის მეექვსე სეზონშიც

6. The Office - მაიკლი თავის დამსხვრეულ ტელევიზორს ოფისში მოწყობილ ძველმანების ბაზრობაზე ყიდის

7. Broad City - ები ერთი კაბის შესაძენად უამრავ ფულს ხარჯავს, შემდეგ კი მთელი სერიალის განმავლობაში ყველა წვეულებას ამ კაბით ესწრება

8. Grey's Anatomy - ლექსი მარკს ეუბნება, რომ როდესაც თავს ცუდად გრძნობს, თმაზე მოფერება შველის. მერვე სეზონში, როდესაც ლექსი ავიაკატასტროფისას სიკვდილს ებრძვის, მარკი სწორედ თმაზე ეფერება

9. Stranger Things - სერიალის პირველ სეზონში მაიკი ილევენს საათის ცნობას თითოეული ციფრის ცალკე გამოთქმით ასწავლის. მეორე სეზონში კი ვხედავთ, რომ ილევენი დროს კვლავ ასე ამბობს

10. BoJack Horseman - მესამე სეზონის პირველ სერიაში დიანი ამბობს, რომ ბოჯეკის ინსტაგრამზე შემთხვევით იატაკის ფოტო გამოაქვეყნა. თუ სერიალის ინსტაგრამზე შეხვალთ, ნახავთ, რომ ასეთი ფოტო მართლაც დევს