Coca-Cola ბოლო თორმეტი წლის განმავლობაში პირველად გამოუშვებს ახალი არომატის უალკოჰოლო გაზიან სასმელს. მას ფორთოხლის გემო ექნება.

Diet Coke-მა რამდენიმე გემოს კოლა ბოლო წლების განმავლობაში რამდენჯერმე გამოსცა, თუმცა, ორიგინალ კოკა-კოლას ახალი გემოს სასმელი 2007 წლის შემდეგ არ შემოუთავაზებია.

ფოტო: Coca-Cola

როგორც კომპანიის განცხადებაში ვკითხულობთ, Orange Vanilla Coke კლასიკური და უშაქრო გამოვა. ახალ სასმელს 140 კალორია ექნება, თუმცა მის უშაქრო ვერსიას, რა თქმა უნდა — 0.

ახალი სასმელი ბაზარზე 25 თებერვლიდან გამოჩნდება და იქნება როგორც თუნუქის ქილებში, ისე მინის ბოთლებით.

ახალი სასმელის საცდელი ვერსია 2018 წლის ზაფხულში ავსტრალიაში გამოჩნდა. კოკა-კოლა ფორთოხლის არომატით ხელმისაწვდომი იყო კანადაშიც. კომპანიის თქმით, მომხმარებლებს ახალი გემო მოეწონათ.

კოკა-კოლამ ახალი არომატის გაზიანი სასმელი, ვანილის კოლა 2007 წელს გამოუშვა. ალუბლის არომატი კი ბაზარზე 1985 წლიდან არსებობს.