ლეგენდარული დიზაინერის, კარლ ლაგერფილდის ადგილს მისი გარდაცვალების შემდეგ ფრანგულ მოდის სახლში მას ვირჯინია ვიარდი დაიკავებს. ვიარდი შანელში მოდის სტუდიის დირექტორის პოზიციაზე იყო.

ვიარდი ლაგერფილდთან ერთად შანელში 80-იანი წლებიდან მუშაობდა. ის მოდის სახლს 1987 წელს სტაჟიორად შეუერთდა, მას შემდეგ, რაც მას რეკომენდაცია მონაკოს პრინცმა გაუწია. ამის შემდეგ ლაგერფილდი და ვიარდი თითქმის განუყრელები იყვნენ.

2018 წლის ოქტომბერში გრან პალეს სასახლეში გამართული შანელის ჩვენება წყვილმა ერთად დახურა.

დეკემბერში ვიარდმა ELLE-სთან ინტერვიუში თქვა, რომ ყურადღების ცენტრში ყოფნა სძულს.

ვირჯინია ვიარდი

ფოტო: Karl Lagerfeld / ELLE

"ის ჩემი მარჯვენა და მარცხენა ხელია", - ასე ახასიათებდა ლაგერფილდი ვირჯინიას.

"ჩვენი ურთიერთობა სასიცოცხლოდ მნიშვნელოვანია და ის წრფელ მეგობრობასა და სიმპათიაზეა დაფუძნებული. ვცდილობ გამოვიცნო, რა მოეწონება, მაგრამ ხშირად ვაოცებ. ის ძალიან მგრძნობიარეა, როგორც ყველა კრეატიული ადამიანი, თუმცა კიდევ უფრო — ერთგული და გულუხვი", - დასძენდა ვიარდი.

ვირჯინია ვიარდი და კარლ ლაგერფილდი ნიუ-იორკის მეტროპოლიტენის მუზმეუმში. 4 დეკემბერი, 2018 წელი.

ფოტო: Angela Weiss / AFP

კარლ ლაგერფილდი 19 თებერვალს 85 წლის ასაკში გარდაიცვალა.