თითქმის ყოველდღიურად Blackface (შავი სახე) ახალი ამბების სამიზნე ხდება. იქნება ეს კეტი პერის ქოში, Gucci-ის როლინგი გრძელი საყელოთი თუ პოლიტიკოსის ძველი ფოტო. კითხვის ნიშნის ქვეშ დგება, როგორ ესმით მათ ისტორიული რასიზმი და პატივს სცემენ თუ არა ადამიანების უფლებებს.

ბოლოს, ინტერნეტმომხმარებლების ყურადღება ნახშირით დამზადებულმა კოსმეტიკურმა სახის ნიღაბმა მიიპყრო, რომელიც სახეზე ფორების გასაწმენდად გამოიყენება.

"რასიზმი იმდენად ეშმაკური რამაა, რომ შენ შეგიძლია ბლექფეისი წლების განმავლობაში არეკლამო, როგორც "ნიღაბი ფორებისთვის" და არავინ შეგამოწმოს"

"თეთრკანიან ქალებს თავის მოვლა უყვართ და ჩვეულებრივ, ბლექფეისს ნახშირის ნიღბით აკეთებენ"

"არის კიდევ ვინმე, ვინც ნახშირის ნიღბების სელფების გამო თავს ცუდად გრძნობს? იციან მაინც, რომ ეს ბლექფეისს ჰგავს? აქამდე არასდროს მინახავს სახის ნიღბების ფოტოები, მანამ სანამ ეს მოდური არ გახდა"

"თუ ბლექფეისი ასეთი შეურაცხმყოფელია, რატომ იყენებენ ისინი რეკლამაში ნახშირს?"

მომხმარებლების ნაწილი ამ შეხედულებებს სარკასტულად და აგრესიულად შეხვდა:

"შემთხვევით ნახშირის ნიღბით ჩამეძინა და კოშმარი ვნახე ბლექფეისზე. იქნებ დროა ეს კაცი გადადგეს?"

(საუბარია ვირჯინიის გუბერნატორზე, რომელიც სკოლის ალბომში გამოქვეყნებული ბლექფეისის ფოტოს გამო სკანდალში გაეხვა).

"ინტერნეტში შემოსვლა.
ნახშირის ნიღაბს ბლექფეისს უწოდებენ.
გასვლა".

"ყველა იმ შეშლილი იდიოტის აზრი მაინტერესებს, ვინც ფიქრობს, რომ ის ქალები, ვინც სახის გამწმენდ ნახშირის ნიღბებს იყენებენ, რასისტები არიან. ამაზე რას იტყვით? ეს არაა რასისტული? ამ კაცმაც უნდა შეწყვიტოს რასიზმი?"

შეგახსენებთ, რომ Gucci და კეტი პერი რასიზმისა და ბლექფეისის გამოყენების ბრალდების გამო კრიტიკის ქარცეცხლში ცოტა ხნის წინ გაეხვნენ. მათ ბოდიში მოიხადეს და საკამათო პროდუქცია გაყიდვებიდან ამოიღეს.