ჯოკერის როლის შემდეგ, ჯარედ ლეტო კომიქსის მიხედვით შექმნილი კიდევ ერთი პერსონაჟს განასახიერებს. ამჯერად ის მარველის კომიქსის მიხედვით შექმნილი Sony-ს ფილმის, Morbius-ის მთავარი პერსონაჟი იქნება.

მასთან ერთად ფილმში ვიხილავთ არაჩვეულებრივ ბრიტანელ მსახიობ მეთ სმიტსაც, რომელმაც მაყურებელს თავი ისეთ პროექტებში მონაწილეობით დაამახსოვრა, როგორებიცაა Doctor Who, The Crown და ა.შ.

მიუხედავად იმისა, რომ მორბიუსი ადამიანი ობობას კომიქსების ერთ-ერთი მთავარი პერსონაჟია, ამ შემთხვევაში ვამპირზე დამოუკიდებელ კინოსურათს შექმნიან.

ფილმს Safe House-ის რეჟისორი, დენიელ ესპინოსა გადაიღებს. ლეტოსთან და სმიტთან ერთად კი ფილმში შესაძლოა ადრია არხონაც ვიხილოთ, რომელიც Good Omens-ში ერთ-ერთ როლს ასრულებს, მანამდე კი მონაწილეობას იღებდა HBO-ს სერიალში True Detective.

მორბიუსი ბერძენი მეცნიერია, რომელსაც ერთ-ერთი ექსპერიმენტის ჩატარების დროს ოთახში ღამურა შუფრინდა, რის გამოც შრატი, რომელსაც იღებდა გარდაიქმნა, სისხლის უჯრედების ნაწილაკების დაავადება დაემართა და ვამპირად გადაიქცა. მიუხედავად იმისა, რომ ის ყველა ვამპირული თვისების მატარებელია, მასზე არ მოქმედებს ე.წ. ვამპირული სისუსტეები - ნიორი, ხის სარი, ვერცხლი და ა.შ.

როგორც ცნობილია გადაღებები 2019 წლის პირველ ნახევარში დაიწყება.