კარგი ამბავი მათთვის, ვინც მხევლის წიგნს უყურებს. შოუს მესამე სეზონიდან ორი ახალი პერსონაჟი დაემატება, მათ როლებს კი კრისტოფერ მელონი და ელიზაბეტ რიზერი შეასრულებენ.

მელონი სერიალის ახალ სეზონში კომანდი უინსლოუს როლს მოირგებს, რიზერი კი მის ცოლს განასახიერებს, რომელიც სერენას უახლოესი მეგობარი და მისი მთავარი ინსპირაცია გახდება.

კრისტოფერ მელონი ერთ-ერთი ყველაზე პოპულარული ტელევიზიის მსახიობია. მისი მონაწილეობით უამრავი სერიალია გადაღებული, მათ შორის არის HBO-ს True Blood.

რაც შეეხება ელიზაბეტს, ის ბოლოს ნეტფლიქსის ერთ-ერთ ყველაზე პოპულარულ სერიალში ჰილ ჰაუსის მოჩვენება გამოჩნდა.

მესამე სეზონის პრემიერა, სავარაუდოდ, 2019 წლის სექტემბერში შედგება.