ლიბიაში ქართველ მეზღვაურს, დავით რაზმაძეს ეძებენ. რუსთავი 2-თან სატელეფონო ინტერვიუში მეზღვაურის ოჯახის წევრი ამბობს, რომ ის 7 იანვარს დაიკარგა, თუმცა გემის მფლობელმა კომპანიამ მათ ინფორმაცია 14 იანვარს მიაწოდა.

საზღვაო ტრანსპორტის სააგენტოს ხელმძღვანელი თამარ იოსელიანი აცხადებს, რომ ქართველი მეზღვაურის ადგილმდებარეობის დასადგენად ყველა დიპლომატიურ გზას იყენებენ. მისი თქმით, საქმეში ჩართულია გემთმფლობელი კომპანიაც. საგარეო საქმეთა სამინისტროს საკონსულო დეპარტამენტის დირექტორის მოადგილე, ვლადიმერ კონსტანტინიდი TV პირველთან სატელეფონი ინტერვიუში ამბობს, რომ გემთფლბელი კომპანიის წარმომადგენელი ხვალ, 21 იანვარს ლიბიაში მიემგზავრება, რის შემდეგაც დამატებით ინფორმაციას მიიღებენ.

ოჯახის წევრის ინფორმაციით, დავით რაზმაძე ბოლოს 2 კვირის წინ ლიბიის ქალაქ მისრათაში გემ Dogan Bey-ზე ნახეს.

განახლება: 21 იანვარს ეკონომიკის სამინისტროს საზღვაო ტრანსპორტის სააგენტოს ხელმძღვანელმა, თამარ იოსელიანმა ტელეკომპანია იმედთან განაცხადა, რომ სააგენტო და საგარეო საქმეთა სამინისტრო აქტიურად მუშაობენ, რათა ქართველი მეზღვაურის ადგილსამყოფელი დაადგინონ.