დიდ დიღომში, ავთანდილის ქუჩაზე მომხდარ აფეთქებასთან დაკავშირებით გამგეობის საუბნო განყოფილების ცხელი ხაზი ამოქმედდა, რომელიც 24-საათიან რეჟიმში იმუშავებს.

ნებისმიერი დახმარების საჭიროების შემთხვევაში, მოქალაქეებს შეუძლიათ დარეკონ ნომერზე: 032 2 37 45 31. ცხელ ხაზზე მომხდართან დაკავშირებით სრული ინფორმაციის მიღებაა შესაძლებელი.

დღეს, 16 იანვარს დიდ დიღომში საცხოვრებელ კორპუსში ძლიერი აფეთქების შედეგად 4 ადამიანი გარდაიცვალა, 8 კი დაშავდა, მათგან ექვსი ბავშვია. ადგილობრივი მაცხოვრებლები აფეთქებას ბუნებრივ აირს აბრალებენ.

პრემიერ-მინისტრმა, მამუკა ბახტაძემ დიდ დიღომში მომხდარი ტრაგედიის გამო 17 იანვარი გლოვის დღედ გამოცხადდა.