გიფი რამდენიმე წამიანი ციფრული გამოსახულებაა, რომელიც სახალისო, თუ სერიოზული სიტუაციების გადმოსაცემად, ერთ-ერთი საუკეთესო საშუალებაა.

დიახ, ვირტუალურ სამყაროში გიფებს სახუმაროდ, სიყვარულის ასახსნელად, თუ უბრალოდ კომუნიკაციისთვის (სათქმელის მარტივად გადმოსაცემად) სულ უფრო მეტი ადამიანი იყენებს.

დღეს კი გვინდა, რომ ყველაზე ემოციური გიფები გიჩვენოთ, რომლებსაც საკმაოდ მოულოდნელი და ბედნიერი დასასრული აქვთ.

აი, ისინიც:

1. ცხოვრებაზე ხელჩაქნეული ადამიანი

ახალი წლის პერიოდში უკონტროლო ჭამა-სმის შემდეგ სასწორი აუცილებლად გვიჩვენებს მომატებულ კილოგრამებს. თუმცა, ემოციური გიფს, რომელიც თითქოს ცხოვრებაზე ხელჩაქნეულ ადამიანს გვიჩვენებს, ბედნიერი დასასრული აქვს.

რა თქმა უნდა, სევდის ნაცვლად ღიმილის მომგვრელია მთავარი გმირის გადაწყვეტილება, რომ არაფრისმომცემი წუწუნის ნაცვლად, უნდა ივარჯიშოს და ისევ სასურველ ფორმაში ჩადგეს.

2. მტირალა ბავშვი

ბავშვების ტირილი საკმაოდ მძიმე საყურებელია, თუმცა, ეს პატარა, საყვარელი გოგო ამტკიცებს, რომ მიზანი ნამდვილად ამართლებს საშუალებას.

3. ტუტუცი ძაღლი

როგორც ჩანს, ამ ძაღლისთვის მეგობრობა არავის უსწავლებია და სამწუხაროდ არ იცის, რომ პატარას თავს არ უნდა დაესხას. საბედნიეროდ, იქვეა მამაცი კატა, რომელიც წაქცეულ ბავშვს იცავს და ძაღლს სწორად მოქცევის მაგალითს უჩვენებს.

4. დაკარგული გასაღები

ეს კაცი ვერ იხსენებს, თუ სად შეინახა გასაღები, რამაც მას მოთმინება დააკარგვინა და საკმაოდ მძიმე გადაწყვეტილებამდეც მიიყვანა. თუმცა, ეს დასასრული არ არის.

გიფის მეორე ნახევარში ვხედავთ, რომ თოკზე ჩამოკიდებული კაცი თავისი ცხოვრების საუკეთესო მომენტებს იხსენებს - მათ შორის გაახსენდება გასაღების ადგილსამყოფელიც. ჭირი იქა, გასაღები აქა.

5. მაშველი

ცხოველების მოყვარული ადამიანებისთვის ეს გიფი საკმაოდ მძიმე საყურებელია. საქმე ის არის, რომ ამ ლეკვმა ცურვა არ იცის და ვერც აუზიდან ახერხებს ამოსვლას.

საბედნიეროდ, ამ ამბავსაც კარგი დასასრული აქვს, რადგან წყლიდან ამოსვლაში პატარას დიდი და კეთილი ძაღლი დაეხმარება.

6. ამერიკის საზღვართან

ქალს ამერიკის საზღვართან მშობიარობა დაეწყო, რაც მის გეგმებში სულაც არ შედიოდა.

ემოციური, მაგრამ ძალიან სახალისო გიფის დასასრულს კი ვხედავთ, რომ პატარამ მაინც მოახერხა ამერიკის მოქალაქეობის მიღება.

7. კეთილი კატა

ძაღლებისა და კატების დაუსრულებელი მტრობის შესახებ ვის არ სმენია?! თუმცა, ეს ემოციური გიფი გვიჩვენებს, რომ მათი დაპირისპირება მხოლოდ და მხოლოდ, პატრონის სიყვარულის მოპოვებასა და დამატებითი ულუფის ხელში ჩაგდებას ემსახურება.

გასაჭირში კი ეს უსაყვარლესი ცხოველები ერთმანეთს არასდროს ტოვებენ მარტო.