21 დეკემბერს, 20:00 საათზე ტექნოპარკში Fuckup Nights Tbilisi გაიმართება, რომელზეც ყველაზე საინტერესო ბიზნესისტორიებს მოისმენთ. Tbilisi Startup Bureau-ს და Impact Hub Tbilisi-ს ორგანიზებით, თბილისი უკვე მერვედ მასპინძლობს ამ ღონისძიებას. ღონისძიება მხარდაჭერილია ეკონომიკისა და მდგრადი განვითარების სამინისტროს ინოვაციების და ტექნოლოგიების სააგენტოს მიერ.

Fuckup Nights გლობალური მოძრაობა და ღონისძიებების სერიაა, რომელიც პროფესიული მარცხის ისტორიებს გვიამბობს. თვეში ერთხელ, მსოფლიოს სხვადასხვა ქალაქში წარმატებული ადამიანები საკუთარ პროფესიულ წარუმატებლობასა თუ შეცდომებს ფართო აუდიტორიას უზიარებენ. ეს ის ბიზნესისტორიებია, რომლებსაც მოჰყვა მარცხი და იმედგაცრუება, პარტნიორული ურთიერთობა, რომელიც არ შედგა და პროდუქტი, რომელმაც არ გაამართლა. Fuckup Nights-ის სპიკერები არიან ადამიანები, რომლებიც მარცხის მიუხედავად, არ დანებდნენ, გააგრძელეს დასახული მიზნისკენ სვლა და ახლა მზად არიან საკუთარი გამოცდილება სხვებს გაუზიარონ.

ღონისძიება საინტერესო იქნება მეწარმეებისთვის, ბიზნესმენებისთვის, აღმასრულებელი დირექტორებისთვის, მენეჯერებისთვის, შემოქმედებითი პროფესიონალებისთვის, სტუდენტებისთვის და ყველასთვის, ვისაც სურს ისწავლოს სხვის შეცდომებზე.

თბილისის მერვე Fuckup Nights-ის სპიკერები არიან:

  • სერგი გვარჯალაძე - ღამის თბილისის ეკონომიკის პროექტის ხელმძღვანელი
  • თომას ბარნსი - Coda Story-ის ვიდეოპროდიუსერი
  • მარკ ადამ ჰაროლდსი - ვილნიუსის ღამის მერი
  • შოკო ჩაჩუა - ჰუმანას მარკეტინგის მენეჯერი და ვინტილატორის თანადამფუძნებელი.

Fuckup Nights მოძრაობა 2012 წელს მექსიკაში დაიწყო და დღეს უკვე მთელი მსოფლიოს მასშტაბით 84 ქვეყანასა და 300 ქალაქში მიმდინარეობს.

ღონისძიების შესახებ დამატებითი ინფორმაციის ნახვა შეგიძლიათ ამ ბმულზე.