ვანია ჰემენისა და გელ მაგიას მიერ გადაღებულმა ქოლდფლეის ახალმა კლიპმა, რომელიც 16 მაისს გამოვიდა, YouTube-ზე 3 თვეში 73 მილიონზე მეტი ნახვა დააგროვა.

„გონებამახვილური და სიურრეალისტური მონტაჟი ქონთემფორარის ელემენტებით“ - ვკითხულობთ ბენდის ვებ-გვერდზე კლიპის შესახებ, რომელშიც გულივერად ქცეულ კრის მარტინს ვხედავთ.

გუშინ ქოლდფლეიმ გამოაქვეყნა ვიდეო, სადაც ვნახავთ როგორ იღებდნენ კრიტიკოსების მიერ მოწონებულ Up&Up-ს.

ნახავთ როგორ „მოახერხა“ ჯონი ბაკლენდმა ჩვენთვის ღრუბლებიდან დაკვრა; ახლოდან გაიცნობთ უცნობ შლიაპიანს, რომელიც წყალქვეშა ბომბზე არხეინად ზის; ჩაის ფინჯანში სინქრონულად მოცეკვავე გოგონების გუნდსაც შეხვდებით; ისწავლით, როგორ შეიძლება მოხალოთ ბატიბუტი ვულკანზე; როგორ აქციოთ სან-ფრანცისკოს გოლდენ გეიტი სათამაშო ხიდად, რომლის ქვეშ არსებული სრუტე გასართობ გუბედ მოგეჩვენებათ და არც დედამიწის ყველაზე დიდი ოკეანის შუაგულში ჭყუმპალაობა მოგეჩვენებათ წარმოუდგენლად.

კადრები და ვიზუალური ეფექტები უკრაინაში არსებულმა ვიზუალური ეფექტების კომპანიამ GloriaFX-მა შექმნა. ავტორებმა მოგვიანებით გაამჟღავნეს, რომ ვიდეოს დასამოკლებლად რამდენიმე დიდებულ კადრზე უარის თქმა მოუწიათ.

კრის მარტინის მიიჩნევს, რომ ესაა საუკეთესო ვიდეო, რაც კი ოდესმე შექმნილა.