ტერმინი სინესთეზია, ანუ თანაშეგრძნება, განსხვავებულ გრძნობათა შორის არსებულ კავშირს აღნიშნავს, რაც ენობრივ კონსტრუქციებშიც ვლინდება. სინესთეზიის მქონე ადამიანებს შეუძლიათ ფერებად დაინახონ მუსიკა, რიცხვები სიახლოვე-სიშორის მიხედვით დაალაგონ და ასე შემდეგ. სინესთეზია ბევრს ჰალუცინაციაც ჰგონია, თუმცა მისი არსებობა რეალური შეგრძნებებს უკავშირდება და კიდევ ერთხელ უსვამს ხაზს იმას, თუ რა საოცარია ჩვენი ტვინი.

სწორედ ამ შეგრძნების შექმნას ემსახურება შემოქმედებითი პერფორმანსი, რომელიც რუსთაველის თეატრში 26 ნოემბერს გაიმართება. ეს ექსპერიმენტულ-პერფორმატიული პროექტი ორ ძირითად ფორმას: ვიზუალურ და სმენით სინესთეზიას აერთიანებს. პერფორმანსის ფარგლებში ყველაფერი იმპროვიზაციასა და სპონტანურობაზე იქნება დამოკიდებული. ამ შემთხვევაში, მხატვრობა და მუსიკა ერთმანეთისთვის ფონის ფუნქციას არ შეასრულებს; კონკრეტულ დროსა და სივრცეში გაცვლილი იმპულსებით, ხელოვანები ერთ ორგანიზმად იქცევიან და მაყურებელს საკუთარი ჩანაფიქრის ნაწილად აქცევენ. პერფორმანსის ხანგრძლივობა ისევე განუსაზღვრელია, როგორც მისი საბოლოო შედეგი.

პერფორმანსში ოთხი ცნობილი არტისტი მიიღებს მონაწილეობას:

"სინესთეზია" 26 ნოემბერს, 20:00 საათზე ახალ ქიმერიონში, რუსთაველის თეატრის გვირაბში შესრულდება, ხოლო მაყურებელი მას ამავე თეატრის მცირე დარბაზში დამონტაჟებული ეკრანის საშუალებით, პირდაპირი ეთერით იხილავს.

ლევან სონღულაშვილი პირველი და ერთადერთი ქართველი ხელოვანია, რომლის ნახატებმაც მსოფლიოს ერთ-ერთ უდიდეს, ბრუკლინის მუზეუმის მუდმივ კოლექციაში, ენდი უორჰოლის, პაბლო პიკასოს, ანრი მატისის, ეგონ შილესა თუ მაკს ბეკმანის ნამუშევრებთან ერთად დაიდო ბინა.

ბილეთების შეძენა შეგიძლიათ აქ