"ნუ კეკლუცობენ, კეთილი ინებონ და პარტიის პოზიციას პატივი სცენ", — ასე მიმართა ბიძინა ივანიშვილმა თანაგუნდელებს, რომლებიც პარტიის მხარდაჭერილი კანდიდატის, სალომე ზურაბიშვილის კანდიდატურას სკეპტიკურად უყურებენ.

ივანიშვილის თქმით, სალომე ზურაბიშვილის კანდიდატურაზე თავიდან პარტიაში ერთსულოვნება არ იყო, მაგრამ უმრავლესობამ აზრი შეიცვალა. ივანიშვილმა აღნიშნა ისიც, რომ სალომე ზურაბიშვილის გამარჯვებაში დარწმუნებულია.

"სალომეს ძირითადი ოპონენტი არის ნაციონალური მოძრაობის ორი ნაწილი, ეს არის ჩვენი რეალობა, პოლიტიკური ისტაბლიშმენტი არის ღარიბი. ასეთია რეალობა და ასეთია კონკურენცია", — განაცხადა ივანიშვილმა.

საპრეზიდენტო არჩევნებზე დამოუკიდებელი კანდიდატის, სალომე ზურაბიშვილის მხარდაჭერა პარტიის თავმჯდომარის იდეა იყო. ივანიშვილის თქმით, ამ ნაბიჯით ევროპას "გასაოცარ დემოკრატიას" უჩვენებენ.