ვაშინგტონი ამერიკის შეერთებული შტატების მე-20 შტატია, სადაც სიკვდილით დასჯა გაუქმდა. გადაწყვეტილება ვაშინგტონის უზენაესმა სასამართლომ მიიღო.

სასამართლოს პოზიციით, სიკვდილით დასჯას კანონიერი ძალა არ აქვს, რადგან გამოიყენება თვითნებურად და რასობრივი მოტივით.

სასამართლოს გადაწყვეტილების შემდეგ, ვაშინგტონის შტატში სასჯელაღსრულებით დაწესებულებაში 8 პატიმარს სიკვდილით დასჯა სამუდამო პატიმრობით შეეცვალათ.

გასულ წელს აშშ-ში 23 ადამიანი დასაჯეს სიკვდილით, თუმცა ვაშინგტონს 2010 წლიდან დღემდე სიკვდილით არავინ დაუსჯია.