Hyperloop-ის პირველი სრულმასშტაბიანი კაფსულა, რომელიც მგზავრებს საათში 1 000 კილომეტრის სიჩქარით გადაიყვანს უკვე მზად არის.

Hyperloop სუპერ სწრაფი, რევოლუციური სატრანსპორტო სისტემაა, რომელზეც მუშაობა პირველად ილონ მასკმა დაიწყო. Hyperloop მგზავრებს დაბალი წნევის მქონე ფოლადის მილებში მოძრავი კაფსულებით გადაიყვანს, მისი სიჩქარე კი სამგზავრო თვითმფრინავისას გაუტოლდება.

ამჟამად Hyperloop-ის პირველი ფუნქციონალური სისტემის შექმნაზე რამდენიმე სხვადასხვა კომპანია მუშაობს. ერთ-ერთია Hyperloop Transportation Technologies, რომელსაც ილონ მასკთან არანაირი კავშირი არ გააჩნია, ისინი პირველები არიან, რომლებმაც კაფსულის სრულმასშტაბიანი მოდელი შექმნეს.

წარმატების შემთხვევაში Hyperloop შორ მანძილებზე გადაადგილების მეთოდს სრულად შეცვლის.

ტრანსპორტირების ახალი ეპოქა

ფოტო: Hyperloop Transportation Technologies

კაფსულის აეროდინამიკური ფორმა და მისი დიზაინი კომპანია PriestmanGoode-მა შექმნა. კაფსულის სიგრძე 32 მეტრია. მისი საშუალებით ლოს-ანჯელესიდან ლას-ვეგასში სულ რაღაც 20 წუთში აღმოჩნდებით.

საბოლოო შტრიხების დასრულების შემდეგ კაფსულას Hyperloop-ის სატესტო ტრასაზე გამოცდიან.

"2019 წელს კაფსულა მგზავრების მისაღებად უკვე მზად იქნება," - აცხადებს კომპანიის ერთ-ერთი დამფუძნებელი.

უსაფრთხოება

კომპანია აცხადებს, რომ Hyperloop-ის კაფსულის შექმნისას უსაფრთხოების ნორმებს განსაკუთრებული ყურადღება მიექცა. კაფსულა სპეციალურად შემუშავებული მასალითაა დამზადებული და მას ორმაგი დამცავი ფენა გააჩნია.

"ჩვენს სატრანსპორტო კაფსულა ინდუსტრიაში ერთ-ერთი ყველაზე მაღალ პროცენტული შენადნობისგან არის დამზადებული, რაც მას ძალიან უსაფრთხოს ხდის. ხუთ წელიწადში ჩვენ გადავჭერით უამრავი პრობლემა და გავაუმჯობესეთ ყველა ის ტექნოლოგია, რაც Hyperloop-ისთვის არის საჭირო. ეს კაფსულა ერთ-ერთი ყველაზე ეკონომიური და ეფექტური სატრნასპორტო სისტემის ნაწილი გახდება," - აცხადებს კომპანიის ერთ-ერთი დამფუძნებელი.