თბილისის მერმა, კახა კალაძემ ხვალ, 9 სექტემბერს დაგეგმილ საქართველო - ლატვიას მატჩთან დაკავშირებით ფეისბუქზე ვიდეომიმართვა გამოაქვეყნა მოუწოდა ფეხბურთის გულშემატკივრებს სამოქალაქო, პოლიტიკური პოზიციის, კონფრონტაციისა თუ პროვოკაციის სურვილი გვერდზე გადადონ და ფეხბურთს უგულშემატკივრონ:

"ჩავიცვათ ნაკრების მაისურები, ავაფრიალოთ საქართველოს ეროვნული დროშა და ვიყოთ გულწრფელები გუნდის გულშემატკივრობისას. ჩვენი ნაკრებისთვის ძალიან მნიშვნელოვანი დღეა ხვალინდელი დღე, რადგან სასურველი შედეგით ჩატარებული მატჩი ევროპის ჩემპიონატზე წარმატებული სტარტის საწინდარი შეიძლება გახდეს. ყველაფერი გვერდზე უნდა გადავდოთ, ყველაფერი ის, რაც სპორტისგან ფეხბურთისგან შორსაა და არეულობის, სირცხვილის მომტანია".

ხვალ, 9 სექტემბერს UEFA-ს ერთა ლიგის ფარგლებში საქართველო - ლატვიას თამაში გაიმართება. პარალელურად ე.წ. ქართული მარშის წევრები ეროვნული ნაკრების, გურამ კაშიას მიერ #EqualGames-ის ჯილდოს მიღების გაპროტესტებას აპირებენ.