ვენესუელის პრეზიდენტმა, ნიკოლას მარუდომ მასზე ასაფეთქებლით შეიარაღებული დრონით თავდასხმაში კოლუმბია დაადანაშაულა. მარუდოს განცხადებით, მეამბოხე ძალები, რომლებმაც თავდასხმა მოაწყვეს კოლუმბიის პრეზიდენტს ემორჩილებიან. ოფიციალური ბოგოტა ბრალდებებს უარყოფს. ინფორმაციას BBC ავრცელებს.

ასაფეთქებლით შეიარაღებული დრონი მაშინა აფეთქდა, როცა პრეზიდენტი კარაკასში სამხედრო აღლუმზე იმყოფებოდა. ხელისუფლებამ მომხდარს პრეზიდენტზე თავდასხმის კვალიფიკაცია მიანიჭა. დრონის აფეთქება ადგილობრივი ტელევიზიის პირდაპირ ეთერში გადაიცემოდა.

პრეზიდენტი და ქვეყნის მაღალჩინოსნები აფეთქებას გადაურჩნენ, თუმცა დაშავდა 7 ჯარისკაცი.