საქართველოს პირველი რესპუბლიკის დაარსებიდან 100 წლის იუბილესთან დაკავშირებით თიბისიმ სპეციალური ვიდეო მოამზადა, რომელსაც "100 ავტორის მიერ მოთხრობილი 100 წელი" ჰქვია.

ვიდეო თიბისის ოფიციალურ ფეისბუქ გვერდზე დღეს გამოქვეყნდა. ის უნიკალური ფოტომასალებისგან შედგება და საქართველოს ერთ საუკუნოვან ისტორიას ერთ წუთში აღწერს. ვიდეოში ფაქტობრივად ყველა მნიშნვნელოვანი მოვლენა არის ასახული, რომელიც საქართველოს ბოლო ერთი საუკუნის განმავლობაში გადახდა თავს, მათ შორის პირველი რესპუბლიკის შექმნა და ვარდების რევოლუცია.

ვიდეოს ყურებისას თქვენ შეგიძლიათ გააჩეროთ ის და ნახოთ ფოტოები, რომელიც თიბისიმ სხვადასხვა წყაროებისგან მოიპოვა. ფოტომასალები აერთიანებს თიბისი არტ გალერეის ფოტოარქივს, საქართველოს პარლამენტის ფოტოარქივს, ლიტერატურის სახელმწიფო მუზეუმის არქივსა და სხვ. ვიდეოს განსაკუთრებულად მომხიბვლელს ხდის გია ყანჩელისა და ნიკა მაჩაიძეს მუსიკა.

დღეს საქართველოს პირველი დემოკრატიული რესპუბლიკის დაფუძნების 100 წლის იუბილეა. 1918 წლის 26 მაისს ეროვნულმა საბჭომ მიიღო დამოუკიდებლობის აქტი, რომელსაც არაერთი ქართველი აწერდა ხელს. პირველმა რესპუბლიკამ 3 წლის განმავლობაში იარსება, სანამ 1921 წლის თებერვალში საბჭოთა კავშირის წითელმა არმიამ მისი ანექსია მოახდინა.