სექსუალურ ძალადობაში ბრალდებული ჰარვი ვაინშტაინი, რომელიც დღეს პოლიციას ჩაბარდა, სასამართლომ მილიონი დოლარის ოდენობით გირაოს გადახდის შემდეგ გაათავისუფლა.

როგორც ცნობილია, გირაოს თანხის გადახდის გარდა, ვაინშტაინს ელექტრონული სამაჯურის ტარებაც მოუწევს. მას ნიუ-იორკის დატოვება ეკრძალება.

ვაინშტაინის საქმეს ერთდროულად ნიუ-იორკის, ლოს-ანჟელესისა და ლონდონის პოლიცია იძიებს. ჰოლივუდის ერთ დროს ყველაზე გავლენიანი პროდიუსერი სექსუალურ შევიწროებასა და ძალადობაში 100-მდე ქალმა დაადანაშაულა.

ვაინშტაინის დაპატიმრება დღეს ამერიკული მედიის მთავარი თემაა. ამ ამბავს ეხმაურებიან თავად ჰოლივუდის ვარსკვლავებიც.