ინსტაგრამი საბოლოოდ ამატებს იმ უმნიშვნელოვანეს ფუნქციას, რომელიც უამრავ ადამიანს მეგობრის დაკარგვისგან იხსნის.

უფრო კონკრეტულად კი, მალე შეძლებთ, ძალიან აქტიური მეგობრის პოსტები თქვენი ლამაზი კედლიდან ისე დამალოთ, რომ მას unfollow არ გაუკეთოთ.

რაც ყველაზე მნიშვნელოვანია, ის ამის შესახებ შეტყობინებას არ მიიღებს და თუ ეს მეგობარი ძალიან მოგენატრებათ, მის პროფილზე გადასვლასა და ფოტოებისა და ვიდეობის ნახვას ისევ შეძლებთ.

ახალი ფუნქცია ტესტირების პროცესშია და შეიძლება ჯერ არ გამოჩენილა თქვენს ინსტაგრამში, თუმცა რამდენიმე მომხმარებელმა ის უკვე შენიშნა.

დააჭერთ მარჯვნივ სამ წერტილს

შემდეგ კი, Mute-ს აირჩევთ. შეგიძლიათ ეს ფუნქცია მხოლოდ პოსტებზე გამოიყენოთ, ან ერთდროულად პოსტებზე და სთორიებზე

ინსტაგრამს აქამდე მხოლოდ სხვების სთორის დამალვის ფუნქცია ჰქონდა, რომლის გაკეთებაც მეგობრის პროფილის აიქონზე დიდი ხნით დაჭერით და mute stories-ს მითითებით შეგეძლოთ.