წარმოდგენა არ გვაქვს, როგორ აგიხსნათ ეს ამბავი მშვიდად და დალაგებულად, რადგან სულ ცოტა ხნის წინ გავიგეთ, რომ წლების წინ გადაღებული ერთ-ერთი საუკეთესო ფილმი, მის კონგენიალურობა, ელენ დეჯენერესის შესახებ ყოფილა.

ამის შესახებ, ელენმა მაშინ თქვა, როცა მისი სტუმარი სანდრა ბულოკი იყო. გენიალურმა კომიკოსმა მსახიობს ეხუმრა, რომ მის გარეშე, სანდრას კარიერა, შესაძლოა, სულ არ ჰქონოდა, რადგან ის ვერ მიიღებდა მის კონგენიალურობასა და Speed-ში როლებს.

ასე დაიწყეს საუბარი მის კონგენიალურობაზე და მსოფლიომ გაიგო, რომ ფილმის სცენარისტმა და მწერალმა, მარკ ლოურენსმა ფილმის სცენარი მას შემდეგ დაწერა, რაც ელენ დეჯენერესი კაბაში ნახა. როგორც ჩანს, ელენი კაბაში თავს არაკომფორტულად გრძნობდა.

ელენმა დაადასტურა, რომ მას მართლა უწევდა ესწავლა, როგორ ევლო კაბით, თუმცა საუბრისას ამ ორმა საოცარმა ქალმა ასევე გაარკვია, რომ ელენისთვის მასზე დაწერილი როლი არასდროს შეუთავაზებიათ.

სანდრა ბულოკის თქმით, მას და მარკს ეგონათ, რომ გრეის ჰარტის როლი ელენმა დაიწუნა.

ნახეთ ეს ამაღელვებელი საუბარი სრულად: