საპარტნიორო ფონდის ხელმძღვანელის, დავით საგანელიძის განცხადებით, ის ქართული ოცნების პოლიტსაბჭოს ტოვებს.

"ორ წელიწადზე მეტია პოლიტიკაში არ ვარ. ფორმალურად პოლიტსაბჭოში ყოფნა პოლიტიკაში ყოფნას არ ნიშნავს. ამ ხნის განმავლობაში პირადად არც ერთი პოლიტიკური გადაწყვეტილება არ მიმიღია. ვხელმძღვანელობ უმსხვილეს საფინანსო ინსტიტუტს და მიმაჩნია, რომ საფინანსო ინსტიტუტის ხელმძღვანელი აპოლიტიკური უნდა იყოს", - განაცხადა დავით საგანელიძემ.

მისი თქმით, პოლიტსაბჭოს დატოვების საკითხს ის დღეს გააჟღერებს. დღეს, პირველ მაისს ორ საათზე ქართული ოცნების პოლიტიკური საბჭო გაიმართება, სადაც საბჭოს ახალ წევრებს აირჩევენ.