ამერიკელმა რეპერმა, კენდრიკ ლამარმა ალბომისთვის DAMN პულიცერის პრემია დაიმსახურა. ეს პირველი შემთხვევაა, როცა ჟიურიმ არჩევანი რეპერზე შეაჩერა. აქამდე, როგორც წესი, ხელოვნებისთვის გამოყოფილი პულიცერის პრემიის ნომინანტები კლასიკურ მუსიკასა თუ ჯაზში მოღვაწე მუსიკოსები ხდებოდნენ.

DAMN კენდიკ ლამარის მეოთხე სტუდიური ალბომია. ის ერთი წლის წინ, 2017 წლის აპრილში გამოვიდა და გრემის დაჯილდოებაზე საუკეთესო რეპ-ალბომად დასახელდა. ალბომის მთავარმა ჰიტმა Humble კი სამი გრემი დაიმსახურა (საუკეთესო რეპ-შესრულება, საუკეთესო რეპ-კომპოზიცია და საუკეთესო ვიდეოკლიპი).

პულიცერის პრემია უმაღლეს დამსახურებად ითვლება ბეჭდვით ჟურნალისტიკაში, ჯილდო ასევე გაიცემა ლიტერატურული მიღწევებისა თუ მუსიკალური კომპოზიციებისთვის.